13 декабрь көнне “Хыял” яшьләр үзәге Балтач урта мәктәбе hәм Гимназиянең башлангыч класс укучылары арасында чара уздырды

13 декабрь көнне “Хыял” яшьләр үзәге Балтач урта мәктәбе hәм Гимназиянең башлангыч класс укучылары арасында чара уздырды. Бирегә Балтач район прокуроры- Шарифуллин Ф.Г.,  район мәгариф булегенең тәрбия эшләре методисты – Фаязова Р.С., район эчке эшләр булегенең балиг булмаган балалар белән эшләү инспекторы- Назипова Л.Г., балигъ булмаган балалар комиссиясе специалисты- Даутова А. Н., халыкка социаль хезмәт күрсәтү үзәгенең психологы- Корбанова Э.В. чакырулы иде.

Әлеге чара балаларны үзара дуслаштыру hәм бер-берсен якыннанрак белү максатыннан, танышу белән башланып китте. Дәвам итеп, укучыларның эчке хәләтен ачыклауга багышланган тренинглар оештырылды, биредә балалар үзләрен борчыган мәсьәләләр белән уртаклаштылар: мәсәлән, дәрес күп бирелү, уйнарга вакыт калмау h.б. Спорт темасына багышланган интеллектуаль сораулар аша иң зиhенле укучылар ачыкланды, аларга кечкенә генә истәлекле бүләкләр тапшырылды.

Чара 2 команда арасында “Күңелле стартлар” белән тәмамланды.