«Безнең геройлар» патриотик марафоны: Балтач районы коллективы матур программа белән чыгыш ясады

2025 елның 28 октябре, сишәмбе

25 октябрь көнне Казан шәһәренең А.С. Пушкин исемендәге мәдәният үзәгендә Балтач районы Бөек Ватан сугышында Җиңүнең 80 еллыгына һәм Ватанны саклаучылар елына багышланган "Безнең геройлар"- "Наши герои" дип исемләнгән Бөтенрәсәй музыкаль-әдәби марафонында катнашты. Балтач мәдәният үзәге һәм балалар сәнгать мәктәбе коллективы патриотик композицияләрдән торган концерт программасы тәкъдим итте: шигырьләр, җырлар, биюләр — барсы да тамашачының күңеленә үтеп керде. Халык балтачлыларның чыгышларын җылы, көчле алкышлар белән кабул итте. Бу көнне марафонга Баулы, Чүпрәле, Алабуга һәм Питрәч районнары да катнашты.