"Зарни бугор" Беренче Төбәкара удмурт фестивале: Пор-Китәктә удмурт мәдәнияте һәм дуслыгы бәйрәме

2025 елның 19 августы, сишәмбе

16 августта Киров өлкәсенең Пор-Китәк авылында « Зарни бугор» Беренче Төбәкара удмурт фестивале узды. Бу фестиваль удмурт күңеленең чын бәйрәме генә түгел: туган телдә җырлар, матур халык костюмнары, биюләр, күңелле уеннар һәм иң мөһиме - җылы кунакчыллык. Концерт программасына Нократ Аланы, Кукмара, Малмыж, Балтач районнары, шулай ук Марий Эл Республикасы коллективлары катнашты. Балтач районыннан Чепья мәдәният йортының «Азвесь гыры», Кече Лызи мәдәният йортының «Вуюись», Урта Көшкәт авылыннан «Шулдыр жыт» коллективлары катнашты.