Күңелле җәй: Балтач китапханәсе Балачак һәм шатлык бәйрәме оештырды
Җәй – барлык балалар һәм өлкәннәр өчен иң яраткан вакыт. Бу – күңелле ял, табигатькә походлар, су коену һәм башка бик күп күңел ачулар һәм маҗаралар вакыты. Кыскасы, җәйге озын яллар – каникуллар бик рәхәт, бәхетле чор!
15 август көнне Балтач Үзәк китапханәсе хезмәткәрләре районыбызның Ленин урамында урнашкан күпфатирлы йортның уен мәйданчыгында “Веселое лето – счастливое детство” дип аталган күңел ачу-уен программасы оештырдылар. Балалар, әти-әни, әби-бабайлар – барысы бердәм, күңелле итеп чарада катнаштылар. Балалар китаплары буенча төзелгән биремнәрдә барысы да дөрес җаваплар биреп, үзләрен чын китап дуслары итеп күрсәттеләр. Катнашучылар үзләре дә театраль миниатюралар, җырлар, биюләр бүләк иттеләр. Ә хәрәкәтле уеннар тагын да берләштереп, ишегалдын балаларның шат авазларына күмде.