«Балтач» универсаль спорт залында райондашларыбызның яраткан спорт төре – «Сельхозтехника» җәмгыяте призына волейбол ярышлары булып узды.

Бәйрәм ялларында, 3 нче ноябрь көнне «Балтач» универсаль спорт залында райондашларыбызның яраткан спорт төре – «Сельхозтехника» җәмгыяте призына волейбол ярышлары булып узды. Быел биредә 13 ир – егетләр һәм 3 хатын – кызлар командалары көч сынашты. Ярышларны яшьләр эше hәм спорт бүлеге җитәкчесе – Рөстәм Рафис улы Заhидуллин hәм волейбол федерациясе рәисе, әлеге ярышларның иганәчесе – Рафаэль Фәрт улы Габдрахманов ачып җибәрде. Ярышлар 2 мәйданда, күтәренке рухта барды.

Ярышларның җиңүчеләре булып:

Ир – егетләр арасында:

1 нче урын – «Якты юл» җ.ч.җ.

2 нче урын – «Агрохимсервис» җ.ч.җ.

3 нче урын – «Сорнай» җ.ч.җ.

Хатын – кызлар арасында:

1 нче урын – «Игенче» исемендәге җ.ч.җ.

2 нче урын- «Балтач» авыл җирлеге

3 нче урын – «Яңа тормыш» җ.ч.җ.

Ярышның иң яхшы уенчылары булып – Алмаз Даминов (Сорнай) һәм Айгөл Хөсәенова (Игенче) танылды. Жиңүче командалар иганәчедән акчалата бүләкләр, яшьләр эше hәм спорт бүлеге исеменнән мактау грамоталары белән буләкләнде.