Бүген район “Батырлар аллеясы”нда Ленинград блокадасы корбаннары истәлегенә багышланган митинг узды.

2025 елның 27 гыйнвары, дүшәмбе

Бүген район “Батырлар аллеясы”нда Ленинград блокадасы корбаннары истәлегенә багышланган митинг узды.

⁣Митингта катнашучылар илебезнең батыр улларын бер минут тынлык белән искә алды.

872 көн дәвам иткән блокададан шәһәр 1944 нче елның 27 нче гыйнварында азат ителә. Бүгенге көнгә кадәр Ленинград блокадасы корбаннарының төгәл саны юк - алар 600 мең кешедән миллион ярым тирәсенә кадәр, диеп фаразлана. Шушы вакыт эчендә шәһәргә 100 меңнән артык авиабомба ташлана, 150 мең снаряд төшерелә. Ләкин блокада вакытында үлүчеләрнең 3 % ы гына дошман коралыннан вафат була, калган 97 %ы ачлыктан интегеп җан бирә.