Балтач үзәк балалар китапханәсендә Өлкәннәр көне уңаеннан тематик кичә узды

2023 елның 27 сентябре, чәршәмбе

1 октябрь – Өлкәннәр көне – бик матур һәм бик мәгънәле  бәйрәм.

    Бөтен кешелек дөньясына ямь бирүче, елмаюлары белән безне иркәләүче, җылы карашлары белән назлаучы, акыллы фикерләре белән безгә ак юл күрсәтүче сөекле әбиләребез, дәү әниләребез, бабайларыбыз, дәү әтиләребезнең бәйрәме бит ул!

    27 сентябрь көнне Балтач Үзәк балалар китапханәсендә “Әбекәем, бабакаем” дип аталган тематик кичә узды. Бәйрәм чарасына Балтач урта мәктәбенең 3-В сыйныфы укучылары һәм аларның әби-бабайлары килде.

Балалар әби-бабайларына җыр, шигырьләрдән  “букет”  бүләк иттеләр. Почтальон Печкин да өлкәннәргә шифрланган котлау телеграммалары тапшырды. Кичә белемнәрне сыный торган, мавыктыргыч уеннарга да бай булды.