Балтач үзәк китапханәсендә «безмерная скорбь, священная память» исемле хәтер дәресе үткәрелде
22 июньдә Россиядә Хәтер һәм кайгы көне билгеләп үтелә. Нәкъ әлеге көнне 1941 елда Бөек Ватан сугышы башлана, ул ил тарихында иң канлы һәм җимергеч сугыш булып санала. СССРның барлык халкы өчен бу көн тормышны алдагы һәм аннан соңгы көннәргә бүлгән. Башланган сугыш гаиләләрне аерган, хыялларны җимергән һәм кешеләр өчен иң кадерлеләрдән саналган тынычлыкны тартып алган.
2007 елда В.В.Путин Хәтер һәм кайгы көнен «Россиянең Хәрби дан көннәре һәм истәлекле даталары турында»гы законга кертә. Законга кертелгән үзгәрешләрдән күренгәнчә, 22 июньдә Россия Федерациясе халыклары Бөек Ватан сугышы һәм башка сугышлар вакытында Ватанны саклаганда һәлак булганнарның барысын да искә ала.
22 июньдә Балтач Үзәк балалар китапханәсендә «Безмерна скорбь, священная память» дип аталган хәтер дәресе үткәрелде.Чарада катнашучыларга – Балтач урта мәктәбенең «Крепыш» җәйге ял лагерына йөрүче балаларга Бөек Ватан сугышы турында күп мәгълүмат бирелде. Балалар үзләре дә сугышта катнашкан бабаларын искә төшерделәр. Дәрес барышында барлык катнашучылар «Тынычлык минуты» Бөтенроссия акциясенә кушылды.