Үзәк китапханәдә китапханә десанты узды

2023 елның 13 апреле, пәнҗешәмбе

Бүгенге көндә китапханәче эше – даими иҗат процессы. Көн дәвамында замана китапханәчеләре психолог, программист, дизайнер, режиссер һәм хәтта артист булалар. Балтач гимназиясенең 1 А сыйныф укучыларына «PROбиблиотекаря» китапханә десантында Үзәк китапханә хезмәткәре нәкъ менә шул хакта сөйләде. Очрашу барышында балалар «Кечкенә галимнәр», «Шифрлаучылар» һәм «Без – артистлар» уеннарын уйнап, замана китапханәчесе эшчәнлеге белән таныштылар.