Балтач үзәк балалар китапханәсендә 2нче балалар бакчасында тәрбияләнүчеләр космоска "очыш" оештырдылар

2023 елның 12 апреле, чәршәмбе

12 апрель – Космонавтика көнендә, Балтач Үзәк балалар китапханәсендә “Галәмгә сәяхәт” дип аталган танып-белү иртәсе  үтте. Чараның кунаклары – 2нче номерлы балалар бакчасының мәктәпкә хәзерлек төркеменә йөрүче балалар “Восток” космик кораблендә Галәмгә “очтылар”. Космик корабль пассажирларын космонавтлар озата барды. Балалар  Галәмнең иксез-чиксез, тылсымлы-серле икәнен дә, анда планеталар, йолдызлар һәм тагын башка күк җисемнәре тәртип белән урнашкан булуын да белделәр. Алар  төрле биремнәр, уеннарда белемнәрен сынадылар, космонавтлар кебек бар яктан өлгер булуларын күрсәттеләр.