20 ноябрь-Бөтенроссия балаларга хокукый ярдәм көне
«Россия Федерациясендә түләүсез юридик ярдәм турында» 21.11.2011 № 324-ФЗ Федераль законны гамәлгә ашыру мәсьәләләре буенча Хөкүмәт комиссиясе карары белән билгеләнгән Бөтенроссия балаларга хокукый ярдәм көне 2022 елның 18 ноябрендә узачак.
Бу көнне дәүләт хакимияте башкарма органнары, җирле үзидарә органнары, адвокатлар һәм нотариуслар балаларның хокуклары, ятим балаларның һәм ата-ана каравыннан мәхрүм калган балаларның хокукларын яклау мәсьәләләре буенча хокукый консультацияләр бирәчәкләр.
Моннан тыш, прокуратура, УФСИН, УФСП, УФСП, ПДН, КДН һәм ЗП, Балтач район башкарма комитетының опека һәм попечительлек секторы, мәгариф бүлеге, социаль яклау бүлеге, нотариаль һәм адвокатлар палаталары хезмәткәрләре 2022 елның 18 ноябрендә «Мәдәният үзәге» бинасында Балтач, Ленин урамы, 52 нче йорт адресы буенча 10 сәгать 00 минутта булачак бу көнгә багышланган уртак чара уздырачаклар.
Балаларга хокукый ярдәм күрсәтү дәресләре районның мәгариф учреждениеләрендә узачак.
Түләүсез юридик ярдәм күрсәтү планлаштырыла:
- ятим балаларга;
- ата-ана каравыннан мәхрүм калган балаларга һәм аларның законлы вәкилләренә;
- ата-ана каравыннан мәхрүм калган баланы үз гаиләсенә тәрбиягә алырга теләгән затларга;
- асраучыларга;
- инвалид балаларга һәм аларның ата-аналарына;
- балигъ булмаган балаларның хокукларын яклау һәм саклау мәсьәләләре буенча авыр тормыш хәлендә булган башка гражданнарга.
Бу көнне бушлай юридик консультацияләр һәм лекцияләр үткәрү планлаштырылган.
Балтач муниципаль районы халкыннан бу көнгә багышланган чараларда актив катнашуларын сорыйбыз.