«Өлкән буынны котлыйбыз» социаль акциясе

2022 елның 4 октябре, сишәмбе

Өлкәннәр декадасы кысаларында «Волонтер» үзәге активистлары, шушы үзәкнең кураторы, Балтачның "Наз" үзәге социаль педагогы Наталья Сәгыйтова җитәкчелегендә "Норма-Балтач-Лызи" маршрут автобусында "Өлкән буынны котлыйбыз "дигән социаль акция уздырылды. Өлкәннәр көне-җәмгыятьнең өлкән буынга булган хөрмәте, рәхмәте һәм мәхәббәте көне. Волонтерлар аларга чәчәкләр һәм үзләре ясаган открыткалар бүләк иттеләр. Активистларның җылы теләкләренә җавап итеп, әби-бабайлар үзләренә биргән игътибар өчен рәхмәт белдерделәр. Һичшиксез, акция җылы һәм күңелгә хуш килде. Акциядә 24 кеше катнашты. Активистлар һәр катнашучы белән истәлеккә фотога төште.