Дүртенче чакырылыш Балтач район Советының тугызынчы утырышы
Бүген, 7 нче июнь көнне дүртенче чакырылыш Балтач район Советының тугызынчы утырышы узды. Утырышны Балтач муниципаль район башлыгы, район Советы рәисе Нотфуллин Рамил Рәшит улы алып барды.
Район Советының тугызынчы утырышы көн тәртибенә түбәндәге мәсьәләләр тәкъдим ителде:
1. Балтач муниципаль районы территориясендә туган телләрне саклау, өйрәнү һәм үстерү турында.
2. Балтач муниципаль районында балаларның ялын һәм сәламәтләндерүен тәэмин итү турында.
3. Балтач муниципаль районы башлыгының «Мәгариф оешмасының иң яхшы җитәкчесе» грантын алуга конкурс үткәрү нигезләмәсен һәм тәртибен раслау турында.
4. «Татарстан Республикасы Балтач муниципаль районының Мактаулы гражданы» исемен бирү турында.
5. «Татарстан Республикасы Балтач муниципаль районының Мактаулы гражданы» исемен бирү турында тәкъдимнәрне карау буенча комиссия составын раслау турында.
6. Татарстан Республикасы Балтач муниципаль районының 2021 елга муниципаль мөлкәтен хосусыйлаштыру фараз планына (программасына) өстәмәләр кертү турында.
7. Балтач муниципаль районында вакантлы идарә вазыйфаларын һәм муниципаль хезмәт вазыйфаларын биләү өчен кадрлар резервын формалаштыру буенча комиссия составын раслау турында.
8. Балтач район Советының сәламәтлек саклау, мәгариф, мәдәният, спорт һәм яшьләр эшләре, социаль тәэмин итү мәсьәләләре буенча даими комиссиясе составына үзгәрешләр кертү турында.