15 апрель көнне Балтач районы «Наз» халыкка социаль хезмәт күрсәтү комплекслы үзәгендә социаль хезмәт алучылар белән чираттагы дәрес үткәрелде. Дәрес «Путь к успеху» программасын тормышка ашыру кысаларында узды, ул шәхси һәм социаль күнекмәләр, үз-үзеңне тәэмин итү һәм булган проблемаларны мөстәкыйль хәл итүгә юнәлдерелгән. Алучылар тестларны, кейс – ситуацияләрне һәм гамәли күнегүләрне зур кызыксыну белән башкардылар. Аларның һәркайсы үзендә булган ресурсларны һәм мөмкинлекләрне бәяләде.