Куныр авыл китапханәсендә рухи-әхлакый тәрбия турында әңгәмә булып узды

2021 елның 26 марты, җомга

Хәзерге заман шартларында кызларга рухи-әхлакый тәрбия бирү - бик әһәмиятле, кирәкле чараларның берсе. Шушы максаттан чыгып, Куныр авылы китапханәсендә яшүсмер кызлар белән очрашуга Балтач  районы хатын-кызлар оешмасы җитәкчесе Хәкимҗанова Ф.К. һәм врач-гинеколог Камалиева Н.Н. чакырылды. Түгәрәк өстәл сөйләшүе бик күп сорауларны үз эченә алды: гаиләдә кыз бала тәрбиясе, беренче мәхәббәт, булачак әни, сәламәтлек, яшүсмер гигиенасы. Сөйләшү бик җанлы үтте. Кызлар бик күп файдалы киңәшләр һәм үзләрен кызыксындырган сорауларга җавап алдылар.