Барлык категориядәге яшь гаиләләр өчен «Яшь гаилә» социаль ипотека программасы
Татарстан Республикасында социаль ипотека системасында торак шартларын яхшыртуга мохтаҗ яшь гаиләләргә торак урыннары бирү тәртибе Татарстан Республикасы Министрлар Кабинетының 2020 елның 13 июлендәге 587 номерлы карары белән расланган.
Узган ялларда Татарстан Президенты Рөстәм Миңнеханов тарафыннан анонсланган «Яшь гаилә» яңа программасын эшләтеп җибәрү Татарстан Республикасы шәһәрләрендә һәм районнарында 6 меңнән артык яшь гаиләнең торак шартларын яхшыртырга мөмкинлек бирәчәк. Татарстан Республикасы Президентының яңа программаны эшләтеп җибәрү турындагы карары бюджет өлкәсендә эшләүчеләргә генә түгел, ә Татарстанның барлык яшь гаиләләренә социаль программа буенча фатир сатып алырга мөмкинлек бирәчәк. «Яшь гаилә» республика социаль ипотека программасында 18 яшьтән 35 яшькә кадәрге ир белән хатын рәсми рәвештә теркәлгән гаиләләр катнаша ала. Программада ялгыз яшәүче балалары булса, тулы булмаган гаиләләр дә катнаша ала.
Моннан тыш, социаль ипотека килешүе гамәлдә булган вакытта һәр бала туган өчен Дәүләт фатир бәясеннән 200 мең сум акча күчерә.
Программаның операторы-Татарстан Республикасы Дәүләт торак фонды. ТР ДТФ социаль ипотека программасында катнашу өчен учетка кую өчен гариза бирүченең теркәлү урыны буенча Башкарма комитетка мөрәҗәгать итәргә кирәк.
Татарстанның барлык категория яшь гаиләләре өчен «Яшь гаилә» социаль ипотека программасында катнашуның төп критерийлары:
- гариза бирүченең исәпкә кую өчен яше – ир белән хатынның берсе яки әти-әнисенең тулы булмаган гаиләдә-35 яшьтән дә өлкәнрәк түгел. Исәпкә баскач, гариза бирүче программада катнашу хокукын 36 яшькә җиткәннән соң да саклый.
- гаилә торак шартларын яхшыртуга мохтаҗ дип санала. Әгәр гаиләдәдәге 1 кешегә, ул пропискада булган торак йортта 18 кв. м дан ким туры килсә.
- гариза бирүче-Татарстан Республикасында яшәүче (пропискада);
- мөрәҗәгать итүче Татарстанда хезмәт эшчәнлеген башкара, шул исәптән шәхси эшмәкәр, үзмәшгуль һәм түләү мөмкинлеген раслый ала;
- торак норматив бәясенең 10% ын түләгәндә фатир сайлау мөмкинлеге;
- яшь гаиләнең фатир бәясен 28,5 елга кадәр түләп бетерү мөмкинлеге бар;
- ике кешедән торган гаиләгә торак мәйданы нормативы-42 кв. м., 3 һәм аннан күбрәк кешедән торган гаиләгә-18 кв. м;
- социаль ипотека килешүе гамәлдә булган вакытта һәр бала туганда, Дәүләт 200 мең сумлык бурычны күчерә;
- 1 кв. метрның ташламалы бәясе 35 тән 42,7 мең сумга кадәр (муниципалитетка карап);
- ТР ДТФ социаль ипотека ставкасы еллык 7% тәшкил итә.
«Яшь гаилә» социаль ипотека программасында катнашу өчен:
1. исәпкә кую өчен теркәлү урыны буенча Башкарма комитетка мөрәҗәгать итәргә. Кирәкле документлар исемлеге (11 биттә) ТР хокукый мәгълүмат сайтында:
https://pravo.tatarstan.ru/npa_kabmin/post/?npa_id=605171
2. гаилә исәп-хисап эшен ачуга, баланска 1 мең сум акча кертергә;
3. җыелма реестрга кертелгәннән соң, ДТФ белән килешү төзү өчен, ДТФның тиешле төбәкара вәкиллегенә мөрәҗәгать итәргә. Тулырак мәгълүмат ДТФ сайтында:
https://gilfondrt.ru/sotrudnichestvo/uchastnikam/
4. торак бәясенең 10% һәм аннан күбрәк өлешен керткәндә беренчел взнос кертү-ТР ДТФ нан фатир сайлау;
5. торак өчен йомгаклау протоколын бирү;
6. гаиләне фатирга күчерү;
7. сатып алынган торак өчен айлык түләүләр (28,5 елга кадәр кичектерү);
8. тулысынча түләгәннән соң-торакны гаилә милкенә рәсмиләштерү.