«Мин татарча сөйләшәм» интеллектуаль уены

2021 елның 5 феврале, җомга

4 февраль көнне «Факел» яшьләр (яшүсмерләр) клубында «Мин татарча сөйләшәм» исемле интеллектуаль уен узды. Чарада Балтач урта мәктәбеннән «Өлгергән җимешләр» һәм «Ялгыз торналар» командалары катнашты.

Уенда үзенчәлекле сораулар бирелә, аларның татар телендә булуы күңелгә ятышлы. Җавапны да уенчылар татар телендә уйларга тиеш.

Дусларыгыз белән бергәләп уенда катнашыгыз, белемгә тартылыгыз һәм татар телебезне - туган телебезне ОНЫТМАГЫЗ!