Югары Субаш авыл җирлеге яңалыклары. Югары Субаш авылында дүртенче чакырылыш депутатлар сессиясе

2021 елның 20 гыйнвары, чәршәмбе

2021 елның 18 гыйнварында Югары Субаш авыл җирлегендә дүртенче чакырылыш депутатлар сессиясе булып узды. Утырышта Балтач муниципаль район башлыгы урынбасары Сабирҗанов Наил Нургаяз улы, җирлек башлыгы Вафин Ранис Борис улы, "Тукай" исемендәге ҖЧҖ рәисе Мөхәммәтгалиев Рамил Наил улы, җирлек депутатлары, мәктәп директорлары, мәктәп, клуб, медпункт хезмәткәрләре, Югары Субаш авыл җирлеге халкы катнашты.

Сессия узган елга йомгак ясады, җирлек башлыгы отчеты, УУП В.Ю. Волкованың йомгаклау отчеты, Субаш ФАП мөдире Әхмәтшина Р. Ф. ның отчеты тыңланылды.