«BroomBALL»

2021 елның 18 гыйнвары, дүшәмбе

16 гыйнвар көнне «Факел» яшьләр (яшүсмерләр) клубы хезмәткәрләре яшьләрне сәламәт яшәү рәвешенә җәлеп итү максатыннан, «Тайгалак-шугалак» боз мәйданчыгында студентлар һәм эшче яшьләр өчен «BroomBALL» дип исемләнгән гадәти булмаган ярыш үткәрделәр. Катнашучылар кәшәкәләр урынына кулларында себеркеләр белән шугалакка чыктылар. Ә алка урынына алар өчен туп хезмәт итте. Яшьләрнең бурычы көндәшләренең «капкасына» мөмкин кадәр күбрәк туп кертү иде. Матч нәтиҗәләре буенча кызыл футболкалардагы команда җиңү яулады.