Патруль төркемнәр җиһазландырылмаган урыннарда су коенучыларны ачыклый
Узган ял көннәрендә генә дә республикада суда 10 кеше үлгән, су коену сезоны башланганнан бирле суда 39 һәлакәт теркәлгән, су стихиясе корбаны - 36 кеше, шул исәптән өч бала, 10 кешене коткарып калганнар. Суда үлү очракларының артуы буенча хәлне үзгәртү өчен, республика районнарында мобиль патруль төркемнәренең махсус рейдлары актив үткәрелә, алар составында административ комиссияләр, район администрацияләре, полиция, гадәттән тыш хәлләр министрлыгы, "Суда коткару җәмгыяте" хезмәткәрләре бар. Административ комиссияләр җиһазландырылмаган урыннарда коенган өчен беркетмәләр төзү буенча вәкаләтләргә ия. Хокук бозучылар ТР КоАП 3.0 статьясы буенча административ җаваплылыкка тартылырга мөмкин.
Бу ял көннәрендә Казанда кешеләр күпләп ял итә торган су янында киң күләмле рейдлар үткәрелде. Административ комиссияләр чиратлап шәһәр пляжларын, шулай ук шәһәр халкы арасында популяр булган Аккош күле, Тирән һәм Зөбәрҗәт күлләр ярларын карап чыкты.
Комиссия әгъзалары ял итүчеләр белән профилактик әңгәмәләр үткәрделәр, "Суда коткару җәмгыяте" ирекле ярдәмчеләре суда үз-үзеңне тоту кагыйдәләре белән белешмәлекләр тараттылар.
Эш шунда ки, асылда, Татарстанда коену сезоны бөтенләй ачылмаган. Гражданнарның массакүләм ял итү урыннарына керүе коронавирус пандемиясе белән бәйле киеренке санэпидобстановкасы белән бәйле рәвештә кертелгән чикләүләрне бетерүнең өченче этабында гына рөхсәт ителәчәк. Шулай итеп, сулыкларда, хәтта коену өчен җиһазландырылган рәсми пляжларда да коену тыела. Чикләүләр турында ишетүчеләр мондый челләдә сулыкта коенмыйча булмый дип саный.
Тикшерүчеләр сабый балалар белән ял итүчеләрне су коену өчен җайлаштырылмаган урыннарда суга кертмәүләрен сораган. Шуны да искәртик: балигъ булмаганнарны тәрбияләү буенча бурычларын үтәмәгән очракта, РФ КоАПның 5.35 маддәсе буенча караучысыз су коенган балаларның ата-аналары административ җаваплылыкка тартыла.
Уртак рейд вакытында шулай ук башка хокук бозулар да ачыкланды. Казанның Мәскәү һәм Киров районнары администрациясенең җәмәгать куркынычсызлыгы бүлеге баш белгече Игорь Савин сүзләренә караганда, яр буе зонасында туктаган автомобиль йөртүчеләр һәм шашлык яратучылар - урман-парк зонасында учаклар яккан өчен штраф санкцияләренә дучар ителгән.
Бер кыска рейд вакытында гына да төрле административ хокук бозулар өчен 8 беркетмә төзелде.
Статистика буенча, суда үлү очракларының 80% ы исерек хәлдә, шулай ук җиһазландырылмаган һәм тыелган урыннарда коену аркасында килеп чыга.
Салкын суда коену көзән җыеруга — мускулларның кискен һәм бик авыр кыскаруына китерергә мөмкин. Бу бик куркыныч: көзән җыеру - суда үлүнең төп сәбәпләренең берсе!
Кеше, кояшта кызынып, салкын суга кинәт чумганда, йөрәк туктау яки коры ялыгу булырга мөмкин - температура белән тудырылган рефлектор спазм аркасында сулыш туктау барлыкка килә.
Күп кенә һәлакәтләр таныш булмаган урында чуму белән бәйле. Шулай ук, су төбендә чокырлар, ташлар һәм башка төрле предметлар булырга мөмкин.
Кече яшьтәге балаларга аеруча игътибарлы булырга кирәк - алар шунда ук суда батырга мөмкин. Бу хакта административ комиссия әгъзалары су янында ял итүчеләрне берничә тапкыр кисәтә. Әмма, күңелсез статистика арта бара. 2020 ел башыннан бирле Татарстан Республикасы сулыкларында 49 кешенең гомере өзелгән, шул исәптән 3 бала. 44 кешене, шул исәптән ике баланы коткарып калганнар.