Өченче чакырылыш Балтач район Советы Президиумы утырышы
Бүген, 26 май көнне, өченче чакырылыш Балтач район Советы Президиумының утырышы узды. Президиум утырышын Балтач муниципаль район башлыгы, район Советы рәисе Нотфуллин Рамил Рәшит улы алып барды.
Президиум утырышының көн тәртибендә түбәндәге мәсьәләләр каралды:
- Балтач район Советының Регламентына үзгәрешләр кертү турында.
- Балтач муниципаль районының 2019-нчы елгы бюджет үтәлешен раслау турында.
- Балтач муниципаль районының 2020-нче елга, 2021-2022-нче елларның планлы чорына бюджетына үзгәрешләр кертү турында.
- Балтач муниципаль районының агымдагы елның 3 айлык бюджет үтәлеше турында.
- Балтач муниципаль районында ТАССР төзелүнең 100 еллыгын һәм Бөек Ватан сугышында Җиңүнең 75 еллыгын бәйрәм итү кысаларында үткәрелә торган чаралар турында.
- Татарстан Республикасы Балтач муниципаль районында гавами тыңлауларын (җәмәгать фикер алышуларын) үткәрү тәртибе турындагы Нигезләмәне раслау хакында.
- Балтач муниципаль районында депуталарга, муниципаль вазыйфаны биләүче затларга, Балтач районы башкарма комитеты җитәкчесенә үзләренең, шулай ук хатынының (иренең) һәм балигъ булмаган балаларының керемнәре, чыгымнары, мөлкәте һәм мөлкәти характердагы йөкләмәләре турында дөрес булмаган яки тулы булмаган мәгълүмат биргән өчен җаваплылык чаралары куллану Тәртибе турында.
- Кече һәм урта эшмәкәрлек субъектларына бирү өчен Балтач муниципаль районы милкендәге һәм башка затларның хокукларыннан бәйсез булган мөлкәтнең исемлегенә үзгәрешләр кертү турында.
- Балтач район Советының районның территориаль планлаштыру Схемасына үзгәрешләр кертүне раслаган 2019 елның 31 маендагы 187 номерлы карарына үзгәрешләр кертү турында.
- Балтач район Советының 2019 елда кабул ителгән карарларының үтәлеше турында.
- Тапшырылган керемнәр, чыгымнар, мөлкәт һәм мөлкәти характердагы йөкләмәләр турындагы белешмәләрнең дөреслеген һәм тулылыгын тикшерү нәтиҗәләре турында.
Беренче сорау буенча сүз район башлыгы урынбасары Наил Нургаяз улы Сабирҗановка бирелде.
Икенче, өченче, дүртенче сораулар буенча финанс бюджет палатасы рәисе Рафис Мәгъсүм улы Ильясов чыгыш ясады.
Бишенче сорау буенча сүз район башкарма комитеты җитәкчесе урынбасары Илһам Фидәел улы Гайнетдиновка бирелде.
Көн тәртибенең алтынчы соравы буенча сүз район башкарма комитетының юридик бүлеге җитәкчесе Ренат Сабит улы Фатыйховка бирелде.
Җиденче һәм унберенче сораулар буенча район башлыгы ярдәмчесе Энҗе Фәрит кызы Гарипова чыгыш ясады.
Сигезенче сорау буенча сүз район мөлкәт һәм җир мөнәсәбәтләре палатасы рәисе Илвир Мөбәрәк улы Фәтхетдиновка бирелде.
Тугызынчы сорау буенча район башкарма комитетының төзелеш, архитектура һәм торак-коммуналь хуҗалыгы бүлеге җитәкчесе урынбасары Шамил Фәһим улы Борһанов чыгыш ясады.
Унынчы сорау буенча сүз район башлыгы урынбасары Наил Нургаяз улы Сабирҗановка бирелде.
Өченче чакырылыш Балтач район Советының чираттагы 38-нче утырышын 2020-нче елның 29 маенда сәгать 08.00да үткәрергә (видеоконференция режимында) планлаштырыла.
Утырышка чакырылалар: район Советы депутатлары (онлайн-режимда), район башкарма комитеты җитәкчесе, аның урынбасарлары, бүлек җитәкчеләре, район Советының җаваплы хезмәткәрләре.