ТР Төзелеш, архитектура һәм торак-коммуналь хуҗалык министры урынбасарлары катнашында киңәшмә
2020 ел 15 май көнне Балтач район башкарма комитеты җитәкчесе Айдар Фоат улы Хәйретдинов Татарстан Республикасы төзелеш, архитектура һәм торак-коммуналь хуҗалык министры урынбасарлары Ринат Әзһәр улы Абдуллин һәм Айназ Алмаз улы Ярмиев катнашында киңәшмә үткәрде.
Министрлык һәм муниципаль берәмлек вәкилләренең уртак киңәшмәсендә түбәндәге мәсьәләләр каралды:
1. Иҗтимагый киңлекне үстерү һәм "Безнең ишегалды" программасын 2020 елда гамәлгә ашыру һәм 2021 елга планнар.
2. Балтач районы тарафыннан 2020 елда күп фатирлы йортлар һәм шәхси торак төзелеше буенча торак тапшыру планын үтәүнең барышы һәм 2021 елга планнар турында.
а) генераль планнар һәм территорияләрне планлаштыру проектлары булу
б) район үзәген һәм авыл җирлекләрен инженер инфраструктура белән тәэмин итү
в) индивидуаль торак төзелеше буенча оештырылган төзелеш перспективасы
г) җир кишәрлекләре булу, күп фатирлы йортлар төзү перспективасы
д) социаль инфраструктура булу.
3. ТАССР төзелүнең 100 еллыгын бәйрәм итүгә әзерлек буенча милли проектларга һәм чараларга кертелгән объектлар төзелеше.
4. Күпфатирлы йортларга, социаль-мәдәни билгеләнештәге объектларга һәм су белән тәэмин итү буенча коммуналь инфраструктурага капиталь ремонт; су бүлеп бирү һәм җылылык белән тәэмин итү. 5. Торак-коммуналь хуҗалык тармагы оешмаларының икътисадый хәле. Коммуналь хезмәтләр өчен җыем, халыкның бурычы.