Коронавирус пандемиясе шартларында алдакчылар тозагына ничек эләкмәскә?

2020 елның 4 мае, дүшәмбе

Кулланучылар хокукларын яклау һәм кеше иминлеге өлкәсендә күзәтчелек федераль хезмәте Россия Финанс министрлыгының «Россия Федерациясендә халыкның финанс грамоталылыгы дәрәҗәсен күтәрүгә һәм финанс белемен үстерүгә ярдәм итү» проекты экспертлары һәм партнерлары белән берлектә коронавирус инфекциясе таралуга һәм хәрәкәт чикләүләрен кертүгә бәйле мошенниклыкның төп төрләренә игътибар итә.

  Булмаган товарлар, хезмәтләр, социаль ташламалар сату турында тәкъдимнәр

• Мошенниклар вирус тудыручыларны бетерә торган һава чистарткыч, яки вирусларны үткәрми торган фильтрлы битлек тәкъдим итә ала. Мондый чараларның нәтиҗәлелеге исбатланмаган булса да, бәяләр бик нык арттырылган булырга мөмкин.
• Янәсе коронавирустан ярдәм итүче дарулар сатып алу турында тәкъдимнәр.
• Мәҗбүри алдан түләү белән, танылган һәм ышанычлы җитештерүчеләрдән индивидуаль саулану чаралары тәкъдим итү. Акча алганнан соң товар китерелми. 
• Күп кенә дәүләт органнары, инфекция тарала башлауга, коронавирус турында брошюралар әзерли һәм бушлай тарата башлады. Мошенниклар алар өчен акча сорый ала.
• Вирус йөртүченең контактлары турында мәгълүмат һәм түләүле анализ алырга белгечләр килүе турында шалтыратулар. 
• Вирустан килгән зыянны компенсацияләү , дәүләт ярдәме күрсәтү өчен конфиденциаль шәхси мәгълүматларны сорау.
• Фишинг таратулары ( картадан акча урлау максатыннан, сылтама буенча керергә сорыйлар) - мәсәлән, ничек фатирда фен ярдәмендә вирустан котылырга. 
• Мошенниклар өйдә бушлай тест яки коронавирстан вакцинация үткәрергә тәкъдим итә ала. Кагыйдә буларак, моның максаты-фатир урлау.

Хәрәкәтне чикләү режимын куллану

• Интернетта, янәсе, өйдән ничек ерак китәргә мөмкин булуын тикшерергә мөмкинлек бирүче мошенник сервислары барлыкка килә башлады. Моның өчен банк картасы мәгълүматларын кертергә кирәк.
• Интернетта Мәскәү һәм башка шәһәрләргә керү һәм хәрәкәт итү өчен ялган пропускларны актив сата башладылар. Шуны истә тотарга кирәк, мондый пропускларны рәсмиләштерү белән шәһәр яки төбәк хакимиятләре шөгыльләнә, ә аларны рәсмиләштерү чаралары турында мәгълүматны рәсми сайтларда табарга була.
• Мошенниклар сезгә карантинны яки үз-үзеңне изоляцияләүне бозган өчен штраф язылуы турында фейк СМС-хәбәрләр җибәрә ала. Еш кына мондый очракларда, җинаять эше кузгату белән янап, аны шунда ук – телефон яки карта номеры буенча түләүне сорый алалар.

Интернеттагы хәйләләр

• Мошенниклар шәхси мәгълүматләр һәм банк карталары турында мәгълүматларны урлау өчен  вируслы интернет-сайтлар төзиләр. Еш кына мондый сайтлар реаль оешмаларның рәсми порталларына, әйтик, Сәламәтлек саклау министрлыгының рәсми порталларына басылырга мөмкин.
• Шәхси мәгълүматларны урлау , шулай ук, фишинг рассылкалар аша мөмкин.Бу очраута кулланучыдан сылтама буенча күчәргә  сорыйлар. Кагыйдә буларак, коронавирусны кузгатучыга каршы көрәш алымнары, саклану чаралары белән танышырга тәкъдим итәләр. 
• Янәсе, вирус йөртүче белән элемтәгә керү урыны булган һәм белгечләр өйгә килеп түләүле анализ тапшыру тәкъдиме белән шалтыратулар килә ала.

Пособиелар һәм бурычлар белән ярдәм итәргә вәгъдә итү

• Мошенниклар вирустан килгән зыянны  компенсацияләү һәм пособиеларны рәсмиләштерүдә ярдәм итү өчен конфиденциаль шәхси мәгълүматны соратып алырга мөмкин. 
• Гражданнарга банкротлык процедурасын үткәрүдә ярдәмне түләтүне җайга салу буенча комиссия өчен тәкъдимнәр килә ала. Алдан түләү алгач, җинаятьчеләр яшеренә.

Ялган хәйрия акцияләре

• Мошенниклар хәйрия акцияләрендә катнашуны сорый ала, мәсәлән, чит илдә калган өлкән яшьтәге кешеләргә яки ватандашларына ярдәм итү өчен акча сорый ала. Бу очракта күчерелгән акчаларны, мөгаен,  кире кайтарып булмас. Мондый мөрәҗәгатьләрне җентекләп тикшерергә кирәк.

Эш турында ялган тәкъдимнәр

• Читтән торып эшләү турында фейк- тәкъдимнәр Мондый хәбәрләр Zoom-конференциядә катнашырга чакыру булырга мөмкин. Шул рәвешле, мошенниклар куркынычсыз булмаган сылтамалар буенча күчәргә мәҗбүр итә.
• Читтән торып эшләү буенча тәкъдимнәр. Аңа керешү өчен, мошенниклар алдан методик материаллар сатып алырга кирәклеге турында белдерә.

Файдалы мәгълүмат белән шулай ук  "Коронавирус пандемиясе шартларында мошенникларның ничек эләкмәскә?" белешмәлегендә танышырга мөмкин.