Чутай мәдәният йортында бәйрәм концерты узды

2020 елның 26 феврале, чәршәмбе

22 февральдә Чутай мәдәният йортында Арча педагогика колледжы студентлары һәм Чутай авылы үзешчәннәре катнашында 23 февраль- Ватанны саклаучылар  көненә багышланган бәйрәм концерты булды. Бәйрәм котлаулары белән үрелеп барылган студентлар һәм үзешчәннәр чыгышын, дәртле биюләрне, җырларны, скетчларны тамашачыларыбыз көчле алкышларга күмде. 2 сәгатькә якын барган концерт һәркемгә бик ошады. Соңыннан яшьләр өчен дискотека оештырылды.