«Пӧртмась вень» фильм-спектакленең премьерасы

2020 елның 25 феврале, сишәмбе

21 февральдә Кече Лызи урта гомуми белем бирү мәктәбендә Халыкара туган телләр көне уңаеннан «Пӧртмась вень» фильм-спектакленең (Тылсымлы энә) премьерасы һәм видеомонтаж буенча курска кертү булды. Чара хәйрия нигезендә «Удмурт фольклоры хәзинәләре: җырлар, биюләр һәм уеннар» җыентыгын бастыру файдасына узды. 2018 елда Римма Николаева пьесасы буенча Сырья авылы халкы һәм кунаклары катнашында төшерелгән тулы метражлы фильм яшь тамашачыларның көчле алкышларына лаек булды.