Татарстан Росреестры хәбәр итү тәртибе буенча 5 меңнән артык күчемсез милек объектын теркәде
Торак һәм бакча йортлары төзегәндә хәбәр итү тәртибе гамәлдә булган чорда Татарстан Республикасы буенча Росреестр идарәсенә кадастр исәбенә алу һәм җирле үзидарә органнары тарафыннан теркәлүгә 5 730 гариза бирелгән. Хокукларны теркәү органы тарафыннан 90% очракта (5 164 гариза буенча) уңай карар кабул ителгән.
Исегезгә төшерәбез, торак һәм бакча йортлары төзүнең хәбәрнамәчел тәртибе «Россия Федерациясе Шәһәр төзелеше кодексына һәм Россия Федерациясенең аерым закон актларына үзгәрешләр кертү турында» 2018 елның 3 августындагы 340-ФЗ номерлы Федераль закон белән кертелде. Росреестрга дәүләт хакимиятенең, җирле үзидарәнең вәкаләтле органнары тарафыннан кадастр исәбенә гаризалар тапшыру һәм мондый объектларга хокукларны теркәү бурычы «Күчемсез милекне дәүләт теркәвенә алу турында» 2015 елның 13 июлендәге 218-ФЗ номерлы Федераль законның 19 статьясындагы 1.2 өлешендә билгеләнгән.
340-ФЗ номерлы Закон нигезендә дәүләт хакимияте, җирле үзидарә органнары, гражданнан төзелеш тәмамлануы турында хәбәрнамә һәм башка кирәкле белешмәләр алган көннән алып 7 эш көне эчендә кадастр исәбенә алу һәм күчемсез милек объектына милек хокукын теркәү документларын Татарстан Республикасы буенча Росреестр идарәсенә тапшырырга тиеш. Моңа кадәр дәүләт хакимияте, җирле үзидарә органнары торак йортны яки бакча йортын канун таләпләренә туры килүен тикшерәчәк.
Дәүләт хакимияте органнары, җирле үзидарә органнары ниндидер сәбәпләр аркасында кадастр исәбенә документлар бирмәгән һәм төзелгән күчемсез милек объектына хокукларны теркәү өчен тиешле кануннар таләпләренә җавап биргән очракта, күчемсез милек хуҗасы хокукларны теркәү органына гаризаны мөстәкыйль бирә ала. Мондый очракта кадастр исәбенә алу һәм хокукларны теркәү өчен кирәкле барлык документларны Татарстан Республикасы буенча Росреестр идарәсе вәкаләтле органга сораячак.
Шул ук вакытта Росреестрның Татарстан Республикасы буенча идарәсенең физик затларның күчемсез милкен дәүләт теркәве бүлеге башлыгы Галина Гончарова хәбәр итү тәртибенең торак пунктлар чикләрендә шәхси ярдәмче хуҗалыклар алып бару өчен билгеләнгән җир кишәрлекләрендә төзелгән индивидуаль торак йортларга таралуына игътибар итә. Бакча участокларында төзелгән торак һәм бакча йортлары элеккечә гадиләштерелгән тәртиптә рәсмиләштерелә:
"Мондый йортларга хокукларны рәсмиләштерү өчен бары тик күчемсез милек объектының техник планын гына тәкъдим итәргә кирәк һәм, әгәр КМБДРда гариза бирүченең җир кишәрлегенә хокукы теркәлмәгән булса, әлеге җир кишәрлегенә хокук билгели торган җир кишәрлегенә. Шулай ук 350 сум күләмендә дәүләт пошлинасын да түләргә кирәк. Мондый тәртип 2021 елның 1 мартына кадәр гамәлдә булачак. Күрсәтелгән датага кадәр төзелешне планлаштыру һәм реконструкцияләү турында хәбәр итү һәм төзелеш тәмамлануы турында хәбәр итү таләп ителми».
ММЧ өчен элемтәләр
Татарстан Росреестры матбугат хезмәте
8(843) 255-25-10