Яңгул мәдәният йортында Искечә Яңа ел бәйрәме узды

2020 елның 16 гыйнвары, пәнҗешәмбе

13 январь көнне Яңгул мәдәният йортында Искечә Яңа ел уңаеннан “Яңа елны башлаганда” дип исемләнгән бик матур ял кичәсе узды. Күңелле уеннарда яшьләр дә, урта яшьтәгеләр дә, хәтта өлкәннәр дә бик теләп катнаштылар. Үзешчәннәребез үзләренең матур җыр-биюләрен бүләк иттеләр. Һәр катнашучыга лотерея билетлары өләшенде һәм соңыннан аларны уйнаттылар. Лотереялар барысы да отышлы иде. Бәйрәмнән һәркем кәнәгать булып китте.