Балтач районында «Аеруча куркыныч инфекция учагын ачыклау һәм биологик разведканы алып бару» темасына штаб күнекмәсе үткәрелде

2019 елның 18 октябре, җомга

2019 елның 16-17 октябрендә Балтач районында Татарстан Республикасы гражданнар оборонасы күзәтүе һәм лаборатория контроле челтәренә керүче Балтач муниципаль районы дәүләт ветеринария оешмасы белән берлектә штаб күнекмәсе үткәрелде.

Тренировка барышында түбәндәге сораулар каралды:

- гражданнар оборонасы күзәтүе һәм лаборатория контроле челтәренә керүче учреждениеләрне әзерлеккә китерү;

- район территориясендәге биологик (эпизоотик) хәлне ачыклау һәм бәяләү;

- биологик хәл турында мәгълүмат җыю һәм җирле үзидарә органнары белән мәгълүмат алмашу;

- картада рәсмиләштерелгән йогышлы учакның үзәген һәм чикләрен билгеләү.