Алтын терәкләр, безгә кирәкләр!

2019 елның 27 сентябре, җомга

27 сентябрь көнне Балтач үзәк балалар китапханәсендә өлкәннәр көне уңаеннан "Алтын терәкләр, безгә кирәкләр" дип аталган балалар иртәсе узды. Китапханәгә кунакка килгән 2 нче номерлы балалар бакчасының уртанчылар төркеменә йөрүче нәниләр өлкәннәргә багышлап шигырьләр сөйләделәр, җырлар җырладылар. Яңа басылып чыккан балалар китапларына күзәтү, сәхнәләштерелгән мәзәкләр,  уеннар да алар күңеленә хуш килде.