Татарстанлылар 15 елдан артык кулланыла торган җирләрне законлаштыра алачаклар
16 нчы сентябрьдә «Кадастр эшчәнлеге турында» һәм «Күчемсез милекне дәүләт теркәвенә алу турында» законнарына кертелгән үзгәрешләр үз көченә керә. Татарстан Росреестры һәм Татарстан Республикасы буенча Кадастр палатасы экспертлары аңлатканча, Федераль закон (17.06.2009 елдагы 150-ФЗ номерлы федераль закон) күчемсез милекнең Бердәм дәүләт реестрында күрсәтелгән мәйданга туры килмәгән җир кишәрлекләре чикләрен ачыклау тәртибен билгели. Төзәтмәләр заказчылары-муниципаль хакимият булган комплекслы кадастр эшләрен үткәрү процедурасын гадиләштерәчәк.
Мәгълүмат өчен:
Комплекслы кадастр эшләре кадастр кварталының бер территориясендә урнашкан барлык күчемсез милек объектларына карата да бер үк вакытта башкарыла. Кадастр эшләре җир кишәрлекләре, биналар, корылмалар, тәмамланмаган төзелеш объектлары чикләрен аныклау өчен башкарыла. Моннан тыш, алар биналар урнашкан җир кишәрлекләрен дөрес тапшыру, реестр хаталарын төзәтү өчен кирәк. Комплекслы кадастр эшләре линия объектларына карата үткәрелми.
Мондый эшләрне башкару турында мәгълүмат ачык чыганакларда, шул исәптән дәүләт хакимияте һәм җирле үзидарә органнары сайтларында, комплекслы кадастр эшләрен башкаруга контракт төзелгән көннән соң 10 көн эчендә басылып чыга. Моннан тыш, объект урнашкан конкрет кадастр кварталында эшләр башлану турында хокукка ия булучыга эшләр башкаручы ягъни кадастр инженеры үзе электрон рәвештә яки гадәти почта аша, бу мәгълүматлар күчемсез милек реестрында булган очракта, хәбәр итәргә тиеш.
Комплекслы кадастр эшләре барышында мәгълүматларны җыю һәм анализлау чикләрне кисешү очракларын, кайбер очракларда җирләрне рөхсәтсез үзләштерү очракларын, шулай ук реестр хаталарын ачыкларга һәм бетерергә мөмкинлек бирә. Соңгысы - бакчачылар закон нигезендә шәхси кишәрлекләрне һәм гомуми кулланылыштагы җирләрне кадастр исәбенә куя алмый торган иң киң таралган сәбәп.
Шулай итеп, нигезләмәләрнең берсе, әгәр аларның мәйданы ЕГРНда күрсәтелгән мәйданнан артып китсә, фактта кулланыла торган җир кишәрлекләрен гражданнарга комплекслы кадастр эшләре кысаларында законлаштырырга мөмкинлек бирә. Шунысын билгеләп үтәргә кирәк, фактта кулланыла торган «артык» метрларны бары тик шул чикләрдә 15 елдан артык файдаланганда гына һәм күршеләр белән хакимият органнары тарафыннан дәгъва белдерүләр булмаганда гына законлаштырырга мөмкин булачак. Моннан тыш, мондый «арттыру»ның мәйданы җирле администрация тарафыннан билгеләнгән иң чик минималь күләмнән артмаска тиеш, ә мондый минималь күләм билгеләнмәгән очракта – ЕГРНда күрсәтелгән мәйданның 10% тан да артмаска тиеш.
Гражданнарның рәсми рәвештә кулланыла торган участокларын рәсмиләштерү мөмкинлеге бар, ә димәк, алар җирне куллана ала. Җирле хакимият заказы буенча үткәрелә торган комплекслы кадастр эшләре барышында җир кишәрлегенең мәйданы ЕГРНдагы күрсәткечләргә караганда күбрәк булуы ачыкланса, барлык критерийларны үтәгәндә аерманы законлаштырырга мөмкин булачак. Әмма иң мөһиме – төзәтмәләргә үз җир кишәрлекләренең мәйданын тиз арада арттыру мөмкинлеге буларак карарга ярамый. Закон күп еллар дәвамында җирне төгәлләштерелмәгән чикләрдән башка файдаланган милекчеләргә булган участокларны ачыклауга һәм ярдәм итүгә юнәлдерелгән.
ЕГРНга комплекслы кадастр эшләре үткәргәндә алынган тәмамланмаган төзелеш объектлары, корылмалар, җир кишәрлекләре һәм аларның урнашу урыннары турында мәгълүматларны керткәннән соң, мондый күчемсез милек объектлары хокукына ия булучыларның кадастр эшләрен үз хисабына башкарырга кирәклеге юкка чыга. Комплекслы кадастр эшләре бюджет акчасына башкарыла.
Моннан тыш, 150-ФЗ номерлы федераль закон гамәлгә керү белән, Россия Федерациясенең шәһәр төзелеше кодексы нигезендә мондый проектны эшләү һәм раслау таләп ителмәсә, территорияне межалау буенча расланган проектыннан башка комплекслы кадастр эшләрен үткәрү мөмкинлеге барлыкка килә. 150-ФЗ 150-ФЗ номерлы федераль закон нигезендә, комплекслы кадастр эшләре заказчылары техник паспортларны, бәяләү документларын һәм башка кирәкле документларны кулланырга хокуклы. Бу чара өстәмә чыгымнардан качарга һәм җирле бюджет акчасын янга калдырырга мөмкинлек бирә .
ММЧ өчен контактлар:
Татарстан Росреестры матбугат хезмәте
Тел. +8(843)255-25-10
Федераль кадастр палатасы
Тел. +7(495)587-80-80
press@kadastr.ru