Балтачта мөмкинлекләре чикле кешеләр өчен Сабантуй узды
Бүген, 2019 елның 18 июлендә, "Сабантуй " ял паркында мөмкинлекләре чикләнгән кешеләр өчен Сабантуй узды. Бәйрәм кунакларына традицион ярышлар оештырылды: капчык киеп йөгерү, призлар кисү, кул көрәше, гер күтәрү һәм башка бик күп уеннар.
Сабантуйны тантаналы рәвештә Балтач муниципаль район башкарма комитеты җитәкчесе урынбасары Илһам Гайнетдинов ачты: "Сабан туе – ул милли бәйрәм һәм без аның гореф-гадәтләрен әлегәчә саклыйбыз. Бу Сабантуй гадәти генә түгел. Без бу бәйрәм ярышларында һәм конкурсларда катнашучыларның көч - куәтенә горурланабыз һәм сокланабыз», - дип билгеләп үтте Илһам Фидәелевич.
Бәйрәмнең тантаналы өлешендә инвалидлар җәмгыяте активистларын һәм спортчыларын бүләкләделәр. Сабантуй традицион ярышлар һәм концерт программасы белән дәвам итте.