Балтач районына эш визиты белән ТР Фәннәр Академиясе Президиумы киңәшчесе А. М. Мазгаров килде
Кичә, 2019 елның 17 июлендә, Балтач районында эш визиты белән Татарстан Республикасы Фәннәр Академиясе Президиумы киңәшчесе, якташыбыз Әхмәт Мазгаров булды.
Эшлекле сәфәр барышында Әхмәт Мазгар улы Балтач урта гомуми белем бирү мәктәбендә булды. Хәзерге вакытта мәктәптә 1-11 сыйныфларда 693 укучы белем ала, 65 укытучы эшли. Балтач урта гомуми белем бирү мәктәбендә сәләтле балалар белән эшләү буенча билгеле бер система бар, аларның иҗади сәләтләрен тормышка ашыру өчен шартлар тудырылган. Профильле сыйныфларда укытучыларның эш нәтиҗәлелеген бәяләү критерийларының берсе-фән олимпиадалары.
Кечкенә генә экскурсиягә йомгак ясап, Әхмәт Мазгар улы мәктәп стеналарында хөкем сөрүче атмосферадан, чисталыктан һәм тәртиптән канәгать калды. Шулай ук мәктәп администрациясенә һәм укытучылар эшчәнлекләре, укыту-тәрбия процессын тормышка ашыруга формаль булмаган яктан караулары өчен рәхмәт белдерде, шул ук вакытта район Хакимиятенең киләчәккә эшләвен һәм иң заманча инновацияләрне һәм технологияләрне җәлеп итүгә битараф булмавын, актив педагогларга ярдәм итүен билгеләп үтте.