Республикада "КФХ базасында гаилә терлекчелек фермаларын үстерү " программасы буенча грантлар бирү өчен проектларны сайлап алу конкурсына йомгаклар ясалды
Татарстан Республикасы Авыл хуҗалыгы һәм азык-төлек министрлыгы «2017-2020 елларга Татарстан Республикасында КФХ базасында гаилә терлекчелек фермаларын үстерү»федераль ведомство программасы буенча грантлар бирү өчен крестьян (фермер) хуҗалыклары проектларын сайлап алу конкурсына йомгак ясау турында хәбәр итә. Конкурста җиңүчеләргә грантларның гомуми суммасы 350 млн. сум тәшкил иткән, шуларның 203 млн.сумы федераль бюджеттан (58%) бүлеп бирелгән.
Конкурска кертелгән 62 крестьян (фермер) хуҗалыгы арасыннан Татарстан Республикасы 20 муниципаль районыннан 30 КФХ грантка ия булды.
Гариза бирүчеләрнең бизнес-проектларын яклауның турыдан-туры трансляциясе интернет челтәрендә үткәрелде.
Конкурс нәтиҗәләре буенча 1170 баш сыерга исәпләнгән 11 сөтчелек фермасы, 800 баш мөгезле эре терлеккә эре терлек симертү буенча 6 ферма, 500 баш кәҗә фермасы, 1353 мең кош-корт өчен 9 кошчылык фермасы (тавыклар, үрдәкләр, бройлер һәм казлар), 2460 башка ике сарык фермасы һәм елына 15 тонна товар балыгы үрчетү буенча бер ферма финансланачак. Җиңүчеләр 2,55 млн.сумнан 28,8 млн. сумга кадәр акчалата грантлар алачак.
Республикада әлеге грантлар хисабына 23 гаилә терлекчелек фермасы төзеләчәк һәм реконструкцияләнәчәк, өстәмә рәвештә 1283 баш эре мөгезле терлек (шул исәптән 5470 тана), 2110 сарык сатып алыначак. Программа шартлары нигезендә конкурста җиңүче крестьян – фермер хуҗалыклары башлыклары өстәмә рәвештә 153 даими эш урыны булдырылачак.