Балтачта балаларны яклау көне уңаеннан бәйрәм чаралары оештырылды

2019 елның 3 июне, дүшәмбе

1 июнь-Халыкара балаларны яклау көне!

Җәйнең беренче көнен "Факел" яшүсмерләр клубы хезмәткәрләре урам чаралары, уен программалары, ишегалды уеннары белән тулыландырдылар. Шулай ук район үзәк хастаханәсендә стационар дәвалауда булган кечкенә пациентларны бәйрәм белән котладылар һәм аларга  бүләкләр тапшырдылар.

Балалар - җирдә булырга мөмкин булган иң матур күренешләрнең берсе! Безнең киләчәгебез һәм таянычыбыз! Аларга мәхәббәт һәм кайгыртучанлык бүләк итегез, ул сезгә күп мәртәбә әйләнеп кайтачак.