29 апрель көнне өченче чакырылыш Балтач район Советының егерме тугызынчы утырышы узды
2019 елның 29 апрелендә 07.30 сәгатьтә район Советының утырышлар залында район башлыгы Р. Р. Нотфуллин рәислегендә өченче чакырылыш Балтач район Советының чираттагы егерме тугызынчы утырышы узды.
Утырышта түбәндәге мәсьәләләр каралды:
- Балтач муниципаль районы башкарма комитетының 2018-нче елдагы эшчәнлеге турында отчеты.
- Балтач муниципаль районының 2018-нче елгы бюджет үтәлешен раслау турында.
- Балтач муниципаль районының 2019-нчы елга, 2020-2021-нче елларның планлы чорына кабул ителгән бюджетына үзгәрешләр кертү турында.
- Балтач муниципаль районының агымдагы елның 3 айлык бюджет үтәлеше турында.
- Балтач муниципаль районы территориясендә милләтара һәм дини конфессияләр арасындагы мөнәсәбәтләрнең торышы турында.
- 2018-нче елда Татарстан Республикасында, Балтач муниципаль районында кеше һәм гражданнарның хокукларын һәм ирекләрен саклау турында.
- Балтач район Советының 2015 елның 19 февралендәге “Татарстан Республикасы Балтач муниципаль районы авыл җирлекләре җирле үзидарә органнарына җирле әһәмияттәге аерым мәсьәләләрне хәл итү вәкаләтләрен тапшыру турында” 265 номерлы карарына үзгәрешләр кертү турында.
- Балтач муниципаль районының балигъ булмаганнар эшләре һәм аларның хокукларын яклау буенча комиссия турындагы Нигезләмәне гамәлдән чыгару хакында.
- Балтач районы башкарма комитетының мәгариф идарәсе турындагы Нигезләмәне яңа редакциядә раслау турында.
Көн тәртибендәге мәсьәләләр буенча доклад белән Балтач районы башкарма комитеты җитәкчесе А. Ф. Хәйретдинов, Финанс-бюджет палатасы рәисе Р. М. Ильясов,район башкарма комитеты җитәкчесе урынбасары И.Ф.Гайнетдинов, Татарстан Республикасының кеше хокуклары буенча вәкаләтле вәкилнең Балтач муниципаль районында җәмәгать ярдәмчесе Г. Ф. Гыйләҗева,район башкарма комитетының юридик бүлеге җитәкчесе Р. С. Фатыйхов, Балтач районы башкарма комитетының мәгариф идарәсе җитәкчесе урынбасары Р. Р. Хәйруллина чыгыш ясадылар.
Утырыш эшендә Балтач район Советы депутатлары, район башкарма комитеты җитәкчесе һәм аның урынбасарлары, башкарма комитет бүлекләре башлыклары, район Советының җаваплы хезмәткәрләре, район прокуроры ярдәмчесе, массакүләм мәгълүмат чаралары вәкилләре, учреждение һәм оешма җитәкчеләре катнашты.
Депутатлар тарафыннан көн тәртибендәге каралган мәсьәләләр буенча тиешле карарлар кабул ителде.