«Бердәм Россия» нең «ПолитСтартап» кадрлар проектында катнашу өчен 2,5 мең кеше заявка биргән инде
Шуларның 86ы Татарстан Республикасыннан килгән.
Узган ике атна эчендә «Бердәм Россия» нең «ПолитСтартап» кадрлар проектында катнашу өчен 2,5 мең гариза бирелгән.
Гаризалар саны буенча Санкт-Петербург, Кырым Республикасы һәм Татарстан Республикасы, Волгоград, Мурманск, Ростов һәм Мәскәү өлкәләре лидер булды. Бу хакта партиянең Генераль советы Президиумы әгъзасы, Дәүләт Думасы депутаты Алена Аршинова хәбәр итте.
«Быел проект Калининградтан Чукоткага кадәр илнең 36 төбәгендә уза. «ПолитСтартап» проектының старт алуына соңгы ике атна эчендә 2,5 мең заявка бирелгән инде. Хәзерге вакытта проектта катнашырга һәм 2019 елгы сайлауларга 572 кеше административ үзәкләргә, закон чыгару җыеннарына – 544 кеше барырга ниятли. Партиянең бурычы-иң күп яшьләрне алдан тавыш бирүдә катнашуга җәлеп итү һәм аларны сайлау кампаниясе кысаларында эшләргә өйрәтү», - диде Аршинова.
«Яшь Гвардия» проектның төп партнерларының берсе булып тора. 2019 елда МГЕР 10000 кешене алдан тавыш бирүдә катнашырга әзерләргә планлаштыра, һәм «ПолитСтартап» яшьләрне алдан тавыш бирүдә катнашуга әзерләүнең төп механизмнарының берсе булачак.
«ПолитСтартап» проектында катнашуга бүген 86 татарстанлы гариза бирде. Безнең республикада проект Дәүләт Советына сайлауларда алдан тавыш бирү процедурасы кысаларында эшләячәк. Проект яшь кандидатларга агитация кампаниясен үткәрү, дебатларда уңышлы чыгыш ясау, «Бердәм Россия» командасының бер өлеше булу мөмкинлеге бирә, - дип сөйләде «Бердәм Россиянең Яшь Гвардиясе» төбәк штабы җитәкчесе Динар Бариев.
Сайлауга яшь кандидатлар әзерләүне һәм сайлаучылар проблемаларын хәл итү буенча эшкә әзерләүне 13 төбәктә «Бердәм Россиянең Яшь Гвардиясе» эшли башлаячак «2019 Яшьләр сайлау штаблары» технологик проекты тәэмин итәчәк. Бу хакта МГЕР Координация Советы Рәисе урынбасары, төбәк сәясәте һәм сайлаулар буенча координаторы Иван Дзюбан хәбәр итте.
Проектның беренче сезонындагы кебек үк катнашучылар арасында да остазлар бүленәчәк, алар арасында танылган сәясәтчеләр һәм экспертлар булачак.
«Политстартап» ның иң яхшы катнашучылары тәҗрибәле партия җитәкчеләре: «Бердәм Россия» Генераль Советы Секретаре урынбасарлары Ольга Баталина, Евгений Ревенко, Александр Грибов, Дәүләт Думасы депутатлары Сергей Боярский, Денис Кравченко, Максим Сураев һәм башкалар кергән федераль остазлар белән турыдан-туры аралашу мөмкинлеге алачак. Шулай ук остазлар арасында-политтехнологияләр һәм политологлар Дмитрий Гусев, Евгений Минченко, Дмитрий Орлов. Остаз ролен Татарстаннан сенатор Олег Морозов үз өстенә алачак.
«ПолитСтартап» проекты партия сафларын кадрлар белән яңартуга юнәлдерелгән. Проектка 35 яшькә кадәрге яшьләр чакырыла. Алар төбәктәге партия вәкилләре һәм федераль экспертлар арасыннан остазлар алачак, сәясәт өлкәсендә эшләү күнекмәләрен арттырырга мөмкинлек бирәчәк махсус белем бирү модульләре буенча укулар узачак. Беренче тапкыр «Бердәм Россия» кадрлар-белем бирү проекты 2018 елда эшләтеп җибәрелде. Ул вакытта проектта 24 төбәктән 1609 кеше катнашты, «Бердәм Россия»дән 87 яшь депутат сайланды.