Балтач районы хатын-кызларын 8 Март бәйрәме белән тантаналы котладылар
8 Март- искиткеч бәйрәмнәрнең берсе. Бу бәйрәм уңаеннан, бүген, 2019 елның 6 мартында, район мәдәният йорты залында 8 Март-Халыкара хатын-кызлар көненә багышланган бәйрәм концерты булды.
Барлык гүзәл затларны район башлыгы Р. Р. Нотфуллин котлады. Ул район үсешенә зур өлеш керткән хатын-кызларны бүләкләп үтте.
Рәхмәт хатларын тапшырганда, Р. Р. Нотфуллин хатын-кызларыбызның хезмәт сөючән, актив һәм компетентлы булуларын билгеләп үтте.
Рамил Рәшит улы хатын - кызларга көндәлек эшләре өчен рәхмәт белдерде: «сез барлык тармакларда да, күңелегез һәм үз көчегез белән - мәгариф
өлкәсендә дә эшлисез; кәефегез өчен - мәдәнияттә, мәрхәмәт белән медицинада профессиональлек күрсәтәсез. . Иң нәзберек эшне нәкъ менә сез башкара торган юнәлешләр бик күп. Безнең тормышны сез тагын да гүзәлләндерәсез.
Хөрмәтле хатын-кызлар! Сезне 8 Март бәйрәме белән чын күңелдән котлыйбыз!
Сезгә сәламәтлек, бетмәс-төкәнмәс хатын-кызлар сөйкемлелеге, һәрвакыт янәшәгездә яраткан балаларыгыз, сөйгән ярыгыз булуын, бәхет һәм мәхәббәт телибез!»