Балаларның Интернет челтәрендә информацион куркынычсызлыгы

Балалар куркынычсызлыгы буенча ата-аналарга киңәшләр.

1. Өйдә Интернет челтәре белән эшләү өчен кагыйдәләр  исемлеге төзегез һәм аны берсүзсез үтәүне таләп итегез;

2. Интернетка тоташтырылган компьютер гомуми бүлмәдә булырга, һәрвакыт ата-аналарның күз алдында булырга тиеш;

3. Балалар белән аларның Интернет челтәрендәге дуслары турында сөйләшегез, алар турында күбрәк белергә тырышыгыз, әлеге кешеләр аларга таныш икәненә инаныгыз;

4. Кирәк булмаган контент өчен чикләүләр куегыз;

5. Балаларның Интернетта танышкан дуслары белән очрашуларына каршы булыгыз;

6. Баланы шәхси информацияне башка кешеләргә җиткермәскә, шикле электрон хатларга җавап бирмәскә өйрәтегез;

7. Балага үзегездән башка программалар куюны чикләгез;

8. Интернет белән бәйле янаулар һәм шөбһәләр турында хәбәр итәргә кирәклеген аңлатыгыз;

9. Балалар утырган сайтлар белән танышыгыз; һ.б.