Балтачта 4 зонада “Балкыш“ ветераннар арасында үзешчән башкаручыларның фестивале була

Балтач җирлегендә тиздән “Балкыш“ (“Сияние“) Татарстан ветераннары арасында үзешчән башкаручыларның V Республика фестивале кысаларында, район турының сайлап алу этаплары старт ала. Әлеге фестиваль Комсомолның 100 еллыгына һәм Бөек Җиңүнең 73 еллыгына багышлана.

Район турлары 4 зонада үтәчәк:

• 2 апрельдә Норма мәдәният йортында Бөрбаш, Салавыч, Норма, Яңгул авыл җирлекләренең ветераннары;
• 3 апрельдә – Нөнәгәгр мәдәният йортына Нөнәгәр, Смәел, Куныр, Пыжмара, Шеңшеңәр җирлекләре;
• 4 апрельдә – Түнтәр мәдәният йортына Урта Көшкәт, Югары Субаш, Борнак, Чепья җирлекләре;
• 5 апрельдә – Карадуган мәдәният йортында Карадуган, Шубан, Сосна, Кече Лызи авыл җирлекләренең һәм Балтач шәһәр җирлегенең үзешчән коллективлары чыгыш ясый.

Талантлы ветераннар “Вокал-соло“, “Вокал ансамбль“. “Хореография“, “Вокал-инструменталь ансамбль“, “Хор коллективы”,  “Фольклор коллектив”, “Поэзия – сәнгатьле сөйләм” номинацияләрендә көч сынашачак.

12 апрельдә  кичке  19.00 сәгатьтә район мәдәният үзәгендә әлеге “Балкыш“ фестиваленең Гала-концерты була.

Җиңүчеләр 17 апрель көнне фестивальнең зона сайлап алу турында Кукмара  районы сәхнәсендә мәртәбәле жюри  комиссиясе каршында кабаттан  үз осталыкларын күрсәтәчәк.  Сәхнә тотачак райондашларыбызга алдан ук уңышлар теләп калабыз.