Әниләр бәйрәме

7 март көнне Субаш авыл китапханәсендә мәдәният йорты белән берлектә 8 нче Март халыкара хатын- кызлар көненә  багышланган  ”Язлар матур хатын - кызлар  белән”  исемле ярыш -  кичә үткәрелде.  Бу чара барышында  әниләребез үзләренең кул эшләре күргәзмәсе белән таныштылар, үзләренең сабый чакларына әйләнеп  кайтып табышмакларга җаваплар таптылар, мәкаль- әйтемнәрне иң күп белүчене билгеләделәр, бала чакта тыңлап үскән әкиятләрен сәхнәләштерделәр, командалар арасында музыкаль яктан көч сынаштылар, бирелгән сүзләр буенча шигырь язу осталыкларын да күрсәттеләр. Кичәбез җыр-бию, күңел ачу белән бергә үрелеп барды һәм соңыннан чәй өстәле артында тәмамланды. Әниләр бик  шатланып , күтәренке күңел белән  кабат очрашуны теләп таралыштылар.