Балтачта иң яшь һәм өлкән кәләш белән кияү, әти-әниләр ачыкланды

Узып киткән  2017 елда  район ГХАТ (ЗАГС) бүлегеннән  алынган  күрсәткечләргә күз салсак,  кайбер кызыклы гына  фактларга да тап буласың.  Иң яшь һәм  өлкән яшьтәге кияү белән кәләш һәм әти-әниләр арасында шактый гына зур аермалыклар күзәтелә.  

Еллык күрсәткечләр буенча иң яшь әти 20 яшьтә,  иң яшь әни исә 18 яшьтә булган. Шулай ук өлкән яшьтәге әни  - 41, ә әти кеше  50 яшьлек.

Гаилә корган яшь парларны теркәгән  документларга күз салсак,  иң өлкән кияү 66 яшьтә булса, иң яше 19да гына икән. Кәләшләр арасында  60 һәм 18 яшьтәгеләре “ иң-иң”нәре булып  табылган.