ЯҢАЛЫКЛАР
2 февраль көнне Пыжмара авыл китапханәсендә 5-6 сыйныф укучылары белән ”Сильные духом: читаем книги о разведчиках и партизанах” исемле акция уздырылды. Акциядә 6 укучы катнашты.”Салют, пионерия!” дигән китап күргәзмәсе төзелде.Укучыларга Печерская А.Н. “Дети-герои Великой Отечественной войны”, Космодемьянская Л.Т.”Повесть о Зое и Шуре” исемле китаплар укылды
Арбор авыл китапханәсе 2 февраль көнне “Көчле рухлылар: разведчиклар һәм партизаннар хакында язылган китаплар укыйбыз” акциясенә кушылды. Бу акциягә " Арбор төп гомуми белем бирү мәктәбе"нең 3 -4 сыйныфы укучылары катнашты. Укучыларга“Дети – герои" дип исемләнгән китаптан герой пеонерлар Леня Голиков,Марат Казейга багышланган хикәяләр кычкырып укылды, соңыннан балалар үзләренең фикерләре белән уртаклаштылар. Китапханәче 1941-1945 елларда барган Бөек Ватан сугышы , халкыбызның фронттагы һәм тылдагы батырлыгы турында балалар белән әңгәмә үткәрде.
Бүген - 2 февраль көнне район башкарма комитеты җитәкчелеге Екатеринбургта Россия беренчелегенә узган кул көрәше ярышында районыбыз данын яклап, зур җиңүләр яулап кайткан көчле беләкле егет-кызларын каршы алды.
2 февраль көнне Балтач үзәк балалар китапханәсендә “Сильные духом” акциясе кысаларында батырлык дәресе булып узды. Дәрескә 2Б һәм 3В сыйныфы укучылары (укытучылары Галиева Н.М һәм Шарипова Л.Р җитәкчелегендә) килде. Укучыларыбыз кичә башында китапханәбез фондында булган герой-пионерларга, партизаннарга, разведчикларга багышланган китаплар белән таныштылар, шигырьләр, хикәяләр укыдылар.Батырлык дәресе “Легенда о старом маяке” исемле мультфильм карау белән тәмамланды.
Балтач бистәсенең "Факел" яшүсмерләр клубында "Форпост" үзәгенә йөрүче укучы балалар актив рәвештә спорт күнекмәләре белән шөгыльләнәләр. Менә шундый чараның чираттагысы 1 февраль көнне булды. 20ләп бала төрле хәрәкәтләр, күнекмәләр белән үзләренең сәламәтлекләрен ныгыттылар. Яшүсемрләре арасындагы мондый төр чаралар патриотик тәрбия бирү, ихтыяр көче һәм спортка карата мәхәббәт тәрбияләү, үзара дустанә мөнәсәбәт урнаштыру максатларыннан уздырыла.
Х.Халиковның 85 еллыгына карата Чепья балалар китапханәсендә "Иң шатлыклы көн" исеме астында шагыйрьнең китапханәдәге китапларына күзәтү ясады. Урта мәктәпнең 2сыйныф укучылары кайбер шигырьләрне кычкырып укыдылар, әдәби геройларның уңай-тискәре яклары турында фикер алыштылар.
28 гыйнварда Байлар Сабасында TIMERMAN дип исемләнгән чаңгы ярышы булып узды. Биредә Татарстанның билгеле җитәкчеләре һәм җәмәгать эшлеклеләре дә катнашты. Алар арасында журналистлар, артистлар да бар иде. Әлеге ярышта Балтач урта мәктәбе укучысы, өметле чаңгычы кыз Гөлшан Сөләйманова хатын-кызлар арасында биш чакрым араны үтеп өченче булып килде. Гөлшанны ихластан котлыйбыз һәм яңадан-яңа уңышлар телибез.
1 февраль көнне район Советының утырышлар залында Өченче чакырылыш «Балтач шәһәр тибындагы поселок» муниципаль берәмлеге Советының унбишенче утырышы булды. Утырышны Балтач шәһәр җирлеге Советы башлыгы Рамил Нотфуллин алып барды.
Айдар Фоат улы Хәйретдинов Теләче муниципаль районының Мактау таныклыгы белән бүләкләнде
Намуслы һәм нәтиҗәле хезмәт күрсәткәне өчен Теләче район эчке эшләр бүлеге җитәкчесе булып эшләгән Айдар Фоат улы Хәйретдинов Теләче муниципаль районының Мактау таныклыгы белән бүләкләнде.
Бүләкне иясенә “Эшлекле шимбә” киңәшмәсендә муниципаль район башлыгы Илдус Зарипов тапшырды.
Бүгенге көндә кешелек тормышын интернет челтәреннән башка күз алдына китерү мөмкин түгел. Бигрәк тә яшьләр интернет сайтларында көннәр буе утырырга әзер. Мондый кызыксыну һәм мавыгу туктаусыз алга барган тормыштан артка калмау, барлык яңалыктан да хәбәрдар булып тору ягыннан бик тә отышлы. Ә чынлыкта исә, интернет челтәренең дөрес кулланмаган очракта нинди куркыныч янаганын күз алдына да китермибез.1 Февраль көнне Арбор авыл китапханәсендә башлангыч сыйныф укучылары белән"Куркынычсыз интернет серләре" исемле әңгәмә үтте.Балалар белән интернетның уңай һәм тискәре якларын,куркыныч хәлләрдән ничек котылып булганын ачыкладык.