Сак булыгыз!!! Татарстанда талпаннар уянган!

Узган ел талпаннар 15 апрельдә “уянган” булса, быел алар 3 көнгә иртәрәк активлашкан. 

Татарстанда биш кешене талпан тешләгән. Бу хакта ТР Роспотребнадзор идарәсенең территорияне санитар саклау бүлеге хәбәр итә. 

Тереклек итү өчен талпанга +1-3 градус тирәсе җылылык җитә. Май уртасыннан алар үрчи башлый, бу чор июнь ахырына кадәр саклана. Талпан тешләү очракларының “пик” ноктасы да, гадәттә, шушы вакытка туры килә.