Карадуган авылы китапханәсеннән балалар өзелми.

Карадуган авыл китапханәсендә Бакый Зыятдинов исемендәге Карадуган гимназиясенең 3-4 сыйныф укучылары белән “Тапкырлар һәм зирәкләр “ бәйгесе үткәрелде. Укучылар 2 командага бүленеп, төрле сорауларга, җавап таптылар биремнәргә, уеннарда катнашып, тапкырлыкта , зирәклектә көч сынаштылар. Нәтиҗәдә, “Зирәкләр” командасы җиңү яулады.

Ә икенче көнне гимназиянең 1-2 сыйныф укучылары белән Хәтер көненә багышланган “ Үз тарихыңны яхшы бел” исемдә әңгәмә уздырылды. “ Уйлар илтә үткәнгә...” дигән китап күргәзмәсе төзелеп, китапларга обзор ясалды, Ркаил Зәйдулланың “Таҗы Татар” китабыннан өзекләр кычкырып укылды, дип хәбәр итәләр Карадуганнан.