Балтачыбызга эш сәфәре белән мәртәбәле кунаклар

Балтачыбызга эш сәфәре белән мәртәбәле кунаклар - Татарстан Республикагы Премьер министры урынбасары Васыйл Шәйхразиев һәм ТР баш мөфтие Камил хәзрәт Сәмигуллин һәм Диния нәзарәтеннән күпсанлы вәкилләр, дин әһелләре, республикабызның танылган шәхесләре, җәмәгать эшлеклеләре килде. Иң беренче алар район үзәк мәчетендә булып, мәчет эшчәнлеге, яңа мәдрәсә, төзелеш эшләре белән таныштылар. 

ТР Премьер министры урынбасары Васыйл Шәйхразиев башкарылган төзелеш эшләрен югары бәяләде - чиста, матур, зәвык белән башкарылган, диде ул. Бу эшләрне башлап-юллап йөргән районның баш имам-мөхтәсибе Җәлил хәзрәт Фазлыевка олы рәхмәтен белдерде. Әлеге изге йорт халыкка файда китерсен, иман йорты булып озак еллар хезмәт итсен, дигән теләкләрен ирештерде.