Бүген 8 июль Рәсәй күләмендә “Гаилә, мәхәббәт һәм тугрылык” көне уңаеннан Балтач муниципаль районы ГХАТ булегендә гаиләдә 2нче, 3 нче балаларын тудырган әниләргә ана капиталы сертификаты тапшырылды. Һәм әлбәттә бу тантананың әти-әниләреннән, чакырылган кунакларыннан тыш иң олы кунаклары, шушы бәйрәмне уздыруга сәбәпче булган 3 кыз, 2малай булдылар. Чәчәк бәйләме белән бергә сертификатларны әниләргә район Пенсия фонды идарәсе җитәкчесе Габделнур Нотфуллин тапшырды. Бу бәйрәмдә катнашкан район Ветераннар советы рәисе Рифат Абдуллин да әти-әниләргә үзенең җылы сүзләрен җиткерде.