Җырым сиңа газиз халкым

Смәел мәдәният йортында авыл хезмәтчәннәрен олылау һәм татар халкының моңлы җырларын халыкка яңадан кайтару максатыннан “Җырым сиңа газиз халкым!” дип исемләнгән бәйрәм концерты булып узды.Авыл үзешчәннәре көче белән әзерләнгән әлеге концертта авыл җирендә һәр тармакта хезмәт куючы профессия вәкиленә мәдхия җырланды, аларга багышлап котлау сүзләре әйтелде, татар халкының моңлы җырлары башкарылды, дәртле биюләр тәкъдим ителде.