Геройлар турында кайгырту: Балтач районында ветераннарга һәм СВО катнашучыларына ярдәм итәләр
Татарстанның Балтач районында «Россия спорты» дәүләт программасы кысаларында ветераннарны һәм махсус хәрби операциядә катнашучыларны реабилитацияләү буенча системалы эш дәвам итә.
Яклаучыларның үзләренә генә түгел, аларның гаиләләренә дә аерым игътибар бирелә. Балтач районының социаль-тернәкләндерү бүлегендә сугыш хәрәкәтләрендә катнашучыларның үзләре дә, аларның ата-аналары да тернәкләнү курслары уза. Бу юнәлеш иң актуаль һәм ихтыяҗлы юнәлешләрнең берсе булып тора.
Реабилитация — ул ял гына түгел, ә тулы канлы тормышка кайтуга юнәлдерелгән чараларның тулы бер комплексы. Программага керә:
Социаль-медицина процедуралары;
Психологик ярдәм;
Педагогик ярдәм;
Хезмәт терапиясе.
Төп максат-ярдәм сорап мөрәҗәгать иткән һәркемнең физик, психик, социаль һәм һөнәри иминлеген мөмкин кадәр югарырак дәрәҗәгә күтәрү. Без районыбызда геройлар һәм аларның гаиләләре дәүләт һәм җәмгыять ярдәмен тоеп яшәсен өчен барлык шартларның да тудырылуы белән горурланабыз.