Салавыч авылында гомер кичерүче Анна Алексеевна Кузнецова 95 яшьлек юбилеен каршы ала

2024 елның 5 декабре, пәнҗешәмбе

95 яшь – зур, хөрмәткә лаеклы юбилей. Нәкъ менә шундый гомер бәйрәмен бүген Салавыч авылында гомер кичерүче Анна Алексеевна Кузнецова да каршы ала.

⁣Тормышын кешеләрнең сәламәтлеген кайгыртуга багышлаган акъәбине район башлыгы Рамил Рәшит улы Нотфуллин котлап, ил башлыгы Владимир Путинның Котлау хатын, район хакимиятенең истәлекле бүләкләрен тапшырды.

⁣Анна Алексеевнаны без дә олуг юбилее белән котлыйбыз. Аңа ныклы сәламәтлек, озын гомер, киләсе көннәренең матур, бары сөенечләргә генә бай булуын, якыннарының кадер-хөрмәтен, яратуын тоеп яшәвен телибез.