Балтач Үзәк балалар китапханәсендә Әниләр көне уңаеннан чаралар циклы башланып китте.

2024 елның 27 ноябре, чәршәмбе

Балтач Үзәк балалар китапханәсендә Әниләр көне уңаеннан чаралар циклы башланып китте. 26 ноябрь көнне “Иң җылы Кояш ул – ӘНИЛӘР!”дип аталган бәйрәм чарасы Балтач гимназиясенең 4-А сыйныфы укучыларының әниләре, дәү әниләре хөрмәтенә оештырылды. Кичә барышында туган телебезнең матурлыгын, халкыбызның моңын тоярга өйрәткән бишек җыры да, берсеннән-берсе үтемле шигырьләр дә яңгырады, тәрбияви әкият тә сәхнәләштереп күрсәтелде. Китапханәчеләр тарафыннан әзерләнгән уеннарда, биремнәрдә әниләр тапкырлыкларны сынадылар. Укучылар үзләре дә, газиз кешеләренә багышлап, шигырьләр сөйләделәр, җырлар җырладылар.